Bloger firibgarligi uchun 4 yilga qamaldi

Futbol yulduzlari va poytaxt ishbilarmonlarining sobiq turmush o‘rtoqlarini aldash orqali firibgarlik qilgan bloger ayol sud tomonidan jazoga tortildi. Bu haqda Zamin.uz xabar berdi.

Moskvaning Dorogomilov sudida unga nisbatan hukm chiqarildi. Ma’lumotlarga ko‘ra, ayol 2023 yilning martidan 2025 yilning fevraligacha bo‘lgan davrda bir qancha tashkilot rahbarlarini reklama filmlari va teleko‘rsatuvlarni telekanallarda namoyish etish uchun suratga olishni tashkil qilishga qodir ekanligiga ishontirgan.

Ammo u yig‘ilgan pullarni o‘z ehtiyojlari uchun sarflagan. Shuningdek, bloger futbolchi Pavel Mamayevning sobiq rafiqasi Alana Mamayevaga pul tikish orqali daromad olishni va’da qilgan, biroq va’dasini bajarmagan.

Ushbu firibgarlik natijasida yetkazilgan moddiy zarar 32 million rublni tashkil etdi. Moskva shahar prokuraturasi matbuot xizmatining xabariga ko‘ra, sud bloger ayolni 4 yil muddatga umumiy tartibdagi koloniyaga hukm qildi.