Shahzoda Endryu Epshteyn bilan aloqasi uchun hibsda
Bugun, 19-fevral kuni Buyuk Britaniya politsiyasi qirol Charlz III ning ukasi, shahzoda Endryuni marhum moliyachi Jeffri Epshteyn bilan bog‘liq aloqalari sabab hibsga oldi. Bu haqda Zamin.uz xabar berdi.
Bu haqda BBC xabar berdi. Ma’lum qilinishicha, shahzoda davlat lavozimida faoliyat yuritgan davrida bir qator noqonuniy xatti-harakatlarni sodir etgan bo‘lishi mumkin degan gumon asosida tergov ishlari boshlangan.
Mahalliy ommaviy axborot vositalarining xabar berishicha, Angliyaning sharqiy qismida joylashgan Wood Farm hududiga politsiya xodimlari yetib kelgan. Ular orasida oltita politsiya mashinasi va sakkiz nafar fuqarolik kiyimidagi xodim bo‘lgan.
Shuningdek, AQSH hukumati tomonidan yaqinda e’lon qilingan hujjatlarda shahzoda Endryu marhum Jeffri Epshteynga maxfiy davlat hujjatlarini yetkazib bergan bo‘lishi mumkinligi haqida ma’lumotlar mavjud. Hozirda ushbu da’volar bo‘yicha batafsil o‘rganish ishlari olib borilmoqda.
Eslatib o‘tamiz, shahzoda Endryu avvalroq Epshteyn bilan do‘st bo‘lganidan afsus bildirgan, biroq har qanday qonunbuzarliklarda ishtirok etganini rad etib keladi. So‘nggi hujjatlar e’lon qilinganidan keyin u mazkur masala yuzasidan izoh bermagan.
