Antarktidada halqasimon quyosh tutilishi kuzatildi
Antarktida hududida noyob astronomik hodisa – halqasimon to‘liq quyosh tutilishi kuzatildi. Bu haqda Zamin.uz xabar berdi.
Bu haqda Arktika va Antarktika tadqiqot instituti matbuot xizmati xabar berdi. Ma'lum qilinishicha, ushbu hodisa 17-fevral kuni Janubiy yarim sharda ro‘y bergan.
To‘liq tutilish bosqichi ikki daqiqadan ortiq davom etgan bo‘lsa, umumiy davomiyligi to‘rt yarim soatni tashkil qilgan. Tadbir davomida Arktika va Antarktika tadqiqot instituti olimlari bu manzarani tasvirga olishga muvaffaq bo‘lishgan.
Mutaxassislarning ta'kidlashicha, halqasimon quyosh tutilishi Oyning Yerga nisbatan uzoq masofada joylashgan paytida sodir bo‘ladi. Bunday vaziyatda Oy Quyoshni to‘liq yopolmaydi va Quyosh uzuk shaklida ko‘rinadi.
Shu sababli yorqin halqa shaklidagi manzara kuzatiladi, biroq quyosh tojini yoki uning atrofidagi yulduzlarni ko‘rishning imkoni bo‘lmaydi. Astronomlarning ma'lumotiga ko‘ra, bunday tutilishni faqat ma'lum hududlardan kuzatish mumkin.
Antarktidadagi “Mirniy” stansiyasida bu hodisani atigi bir nechta kishi kuzatishga muvaffaq bo‘lgan. Ushbu kamyob astronomik hodisa ilmiy hamjamiyat uchun katta ahamiyatga ega bo‘ldi.
