Tramp import tovarlariga 10 foizlik boj joriy qildi

AQSh prezidenti Donald Tramp barcha davlatlardan keladigan mahsulotlarga qo‘shimcha 10 foizlik import boji joriy etish to‘g‘risida farmon imzoladi. Bu haqda Zamin.uz xabar berdi.

Bu haqda u Truth Social ijtimoiy tarmog‘idagi sahifasida ma’lum qildi. Prezidentning so‘zlariga ko‘ra, mazkur qaror Oval idorada imzolangan va darhol kuchga kirgan.

Tramp bu chorani iqtisodiy siyosatdagi muhim qadam sifatida baholadi. Oq uy ma’lumotlariga ko‘ra, yangi tartibga asosan AQShga olib kiriladigan barcha tovarlarga 10 foizlik boj undiriladi.

Ushbu qaror 24-fevraldan boshlab amalda bo‘lib, 150 kun davomida amal qiladi. Eslatib o‘tamiz, bundan avval AQSh Oliy sudi Tramp tomonidan Favqulodda vaziyatlarni boshqarish to‘g‘risidagi qonun asosida joriy etilgan ayrim tariflarni noqonuniy deb topgan edi.

Sud qarorida prezident vakolat doirasidan chetga chiqqani qayd etilgan. Shunga qaramay, Tramp barcha tariflar amalda qolishini ta’kidlagan.

Uning fikricha, bunday choralar AQShning iqtisodiy manfaatlarini himoya qilishga xizmat qiladi.