Isroilning Bekaa vodiysiga zarbalari: 10 o‘lik, 50 yarador
Isroil Livanning Bekaa vodiysiga havo zarbalari uyushtirdi. Bu haqda Zamin.uz xabar berdi.
Reuters agentligining xabar berishicha, Isroil tomonidan Livanning sharqida joylashgan Bekaa vodiysiga uyushtirilgan havo hujumlari oqibatida kamida 10 kishi halok bo‘lgan va 50 nafardan ortiq odam jarohat olgan. Ma’lum qilinishicha, halok bo‘lganlar orasida Hizbulloh tashkilotining yuqori lavozimli amaldori ham bor.
Isroil mudofaa kuchlari ta’kidlashicha, mazkur zarbalar Hizbullohning qo‘mondonlik markazlariga qaratilgan. Isroilning versiyasiga ko‘ra, bu hududlarda Isroil armiyasiga qarshi hujumlarni rejalashtirish ishlari amalga oshirilayotgan edi.
Mazkur hujumlar xalqaro miqyosda katta e’tibor qozondi. Reutersning qayd etishicha, 20 fevraldagi bu zarbalar so‘nggi haftalardagi eng yirik va halokatli hujumlardan biri bo‘ldi.
Bu voqea 2024 yil noyabr oyida imzolangan sulh bitimidan keyingi vaziyatni yanada murakkablashtirdi. Hodisa mintaqadagi keskinlikni oshirib, tomonlar o‘rtasida ziddiyatlarni kuchaytirdi.
Endi asosiy savol shuki, tomonlar ushbu vaziyatdan keyin o‘zaro tinchlik va sovuqqonlikka qayta oladimi yoki bu qarama-qarshiliklar yanada chuqurlashadimi? Bu savolga hozircha aniq javob yo‘q.
