Zelenskiy: "1991 yil chegaralari – haqiqiy g‘alaba"

Ukraina prezidenti Volodimir Zelenskiy Rossiya bilan davom etayotgan urush, hududiy masalalar va xalqaro hamkorlik borasida muhim bayonotlar berdi. Bu haqda Zamin.uz xabar berdi.

U Rossiyaning qancha hududni egallashi va Vladimir Putinni qanday to‘xtatish mumkinligi asosiy masalalardan biri ekanini ta’kidladi. Zelenskiy o‘z chiqishida bir qator muhim fikrlarni bildirdi.

Uning so‘zlariga ko‘ra, AQSH tomonidan Ukrainaga berilayotgan xavfsizlik kafolatlari asosan AQSH Kongressining qarorlariga bog‘liq. Shuningdek, u sobiq AQSH prezidenti Donald Trampni ishonchli hamkor deb hisoblamasligini, chunki u har doim lavozimda qolmasligini aytib o‘tdi.

Zelenskiy o‘zini urushni boshlamaganini hamda diktator emasligini qayd etdi. Prezidentning fikricha, Ukrainani g‘alabaga olib boradigan yo‘l odamlarning normal hayotga qaytishi, o‘limlarni to‘xtatish va Rossiya tomonidan vujudga keltirilgan global tahdidni bartaraf etishdan iborat.

Hududlarni qaytarish Ukrainaning asosiy maqsadlaridan biri bo‘lsa-da, bu jarayon millionlab inson hayotiga xavf tug‘dirmasligi kerak. Ukraina qurolli kuchlarini yetarli darajada qo‘llab-quvvatlash esa xalqaro hamkor davlatlarga bog‘liq.

Shu bilan birga, Zelenskiy 1991 yil chegaralariga qaytishni adolatning tiklanishi va haqiqiy g‘alaba deb atadi. Uning bu bayonotlari Ukrainadagi vaziyat va mamlakatning strategik maqsadlarini aniq aks ettiradi.

Zelenskiy xalqaro hamjamiyat bilan hamkorlikni davom ettirish va Ukrainani tiklash yo‘lida qat’iyat ko‘rsatmoqda.