Tez yordam kechikishi 97 yoshli ayolning o‘limiga sabab bo‘ldi
Buyuk Britaniyaning Nyuport shahrida yashagan 97 yoshli Babett Berdj tez tibbiy yordamning kechikishi oqibatida hayotdan ko‘z yumdi, deb xabar berdi *Daily Mail*. Bu haqda Zamin.uz xabar berdi.
Ma’lum bo‘lishicha, keksa ayol o‘z uyida polda yotgan holda topilgan. Uning nafas olishi qiyinlashgani qayd etilgan va bir necha soat o‘tib vafot etgan.
Sud-tibbiy ekspertiza xulosasiga ko‘ra, ayolning o‘limiga pnevmoniya asosiy sabab bo‘lgan. Bundan tashqari, chap son suyagining sinishi va uzoq vaqt harakatsiz qolishi ham qo‘shimcha omil sifatida aniqlangan.
Mutaxassislarning ma’lumotiga ko‘ra, marhumaning tanasida qon aylanishining izdan chiqqanini ko‘rsatuvchi belgilar kuzatilgan. Bu holat odatda sovuq qotish yoki uzoq muddat harakatsiz yotish natijasida yuzaga keladi.
Hodisa oldidan mahalliy poliklinika feldsheri Babett Berdjni ko‘rikdan o‘tkazib, son suyagi sinishi ehtimolini qayd etgan. Biroq shoshilinch gospitalizatsiya amalga oshirilmagan va uni shifoxonaga 10 kundan keyin olib borish rejalashtirilgan.
Shu vaqt ichida ayol uyida qolgan va yana yiqilib tushgani aytilmoqda. Hozirda mazkur holat bo‘yicha rasmiy tekshiruv ishlari olib borilmoqda.
