Kim Chen In: Janub bilan muloqot istagi yo‘q
Shimoliy Koreya yetakchisi Kim Chen In Koreya Mehnat partiyasining to‘qqizinchi s’ezdiga bag‘ishlangan harbiy paradda Janubiy Koreya bilan muloqot qilish istagi yo‘qligini va zarurat tug‘ilganda qo‘shni davlatga qarshi keskin choralar ko‘rishga tayyor ekanligini ta’kidladi. Bu haqda Zamin.uz xabar berdi.
Bu haqda "Yonhap" axborot agentligi xabar berdi. Kim Chen In o‘z nutqida AQSH bilan munosabatlarni yaxshilash uchun Vashington Shimoliy Koreyaning Konstitutsiyada belgilangan maqomini hurmat qilishi va dushmanlik siyosatidan voz kechishi lozimligini qayd etdi.
U bu talablar amalga oshirilsa, ikki davlat o‘rtasida do‘stona munosabatlar shakllanishi mumkinligini ta’kidladi. Shuningdek, Kim Chen In yadroviy salohiyatni oshirish va yangi qurol tizimlarini ishlab chiqish bo‘yicha topshiriq berganini ma’lum qildi.
U suv ostida uchiriladigan qit’alararo ballistik raketalar, qisqa masofali raketalar hamda Janubiy Koreyani nishonga olishga qodir artilleriya tizimlarini rivojlantirish rejalari haqida gapirdi. Shimoliy Koreya yetakchisi mamlakatning yadroviy va raketa dasturlari so‘nggi yillarda yuksak darajada rivojlanganini ta’kidladi.
U yadroviy qurollarni Shimoliy Koreyaning xavfsizligini ta’minlovchi asosiy omil sifatida baholadi.
