Eron oliy rahbari Ali Xominaiy vafot etdi
Eron davlat televideniyesi 86 yoshli Oyatulloh Ali Xominaiyning vafot etganini rasman tasdiqladi. Bu haqda Zamin.uz xabar berdi.
Ma’lum bo‘lishicha, Eronning oliy rahbari 28 fevral kuni halok bo‘lgan. Ushbu xabarni xalqaro axborot manbalari ham tasdiqlamoqda.
Rasmiy ma’lumotlarga ko‘ra, Xominaiy shanba kuni Tehronda yuz bergan havo hujumi oqibatida hayotdan ko‘z yumgan. Mamlakat rahbariyatining qaroriga binoan, uning vafoti munosabati bilan Eron bo‘ylab 40 kunlik milliy motam e’lon qilindi.
Eron prezidenti idorasi tomonidan berilgan bayonotda oliy rahbarning o‘limi javobsiz qolmasligi ta’kidlangan. Ushbu voqeaning nafaqat Eron siyosiy tizimiga, balki butun Yaqin Sharq mintaqasidagi siyosiy va harbiy vaziyatga sezilarli ta’sir ko‘rsatishi kutilmoqda.
Hozircha rasmiy manbalardan qo‘shimcha ma’lumotlar berilmagan. Biroq bu hodisa mintaqadagi xalqaro munosabatlar va xavfsizlik masalalarini yanada murakkablashtirishi mumkinligi haqida fikrlar bildirilyapti.
