Eron: Hujumlarda yuqori martabali amaldorlar halok bo‘ldi
Eron davlat televideniyesining xabar berishicha, mamlakatda yuqori lavozimda faoliyat yuritgan yetti nafar amaldor halok bo‘lgan. Bu haqda Zamin.uz xabar berdi.
Ushbu hodisa Isroil va AQSh tomonidan amalga oshirilgan hujumlar oqibatida sodir bo‘lgani ta’kidlanmoqda. Qurbonlar orasida quyidagi shaxslar borligi ma’lum qilingan: 1.
Islom inqilobi qo‘riqchilari korpusi quruqlikdagi qo‘shinlari qo‘mondoni, general-mayor Muhammad Pakpur. 2.
Islom inqilobi qo‘riqchilari korpusi havo-kosmik kuchlari qo‘mondoni Amir Ali Hojizoda. 3.
Qurolli kuchlar Bosh shtabi rahbarlaridan biri va oliy rahbar maslahatchisi Ali Shamxoniy. 4.
Xavfsizlik yo‘nalishidagi yuqori lavozimli amaldor Husayn Salami. 5.
Havo mudofaasi kuchlari qo‘mondoni Hasan Jaloliy. 6.
Mudofaa innovatsiyalari tashkiloti rahbari Muhsin Faxrizoda. 7.
“Al-Anbiya” shtabi razvedka boshqarmasi rahbari (uning ismi rasman ochiqlanmagan). Oxirgi ma’lumotlarga ko‘ra, hujumlar natijasida jami 201 nafar inson halok bo‘lgan, yana 747 kishi turli darajada tan jarohati olgan.
Xususan, Tehron shahriga qilingan raketa zarbalari chog‘ida Eron oliy rahbari Ali Xamonaiyning kuyovi, kelini, qizi va nabirasi ham halok bo‘lgan. Shu bilan birga, Eron hukumati tomonidan uyushtirilgan norozilik namoyishlarida minglab fuqarolar ishtirok etmoqda.
Ular “Isroil va Amerikaga o‘lim!” shiorlari ostida o‘z noroziliklarini bildirishmoqda.
