Eron Xomanaiy vafotiga javoban qasos va'da qildi

Eron prezidenti ma'muriyati Oyatulloh Ali Xomanaiyning vafoti yuzasidan rasmiy bayonot berdi. Bu haqda Zamin.uz xabar berdi.

Unga ko‘ra, Xomanaiyning o‘limi javobsiz qolmaydi. Shuningdek, Islom inqilobi qo‘riqchilari korpusi ham bu hodisaga aloqador bo‘lganlarga qasos olinishi haqida qat'iy bayonot berdi.

Eron hukumati tomonidan e'lon qilingan rasmiy ma'lumotda: "Biz barcha kuch va qat'iyat bilan ushbu jinoyatni sodir etganlar va uni rejalashtirganlarni o‘z qilmishlaridan afsuslanadigan holatga solamiz", — deyiladi. Islom inqilobi qo‘riqchilari korpusi o‘z e'lonida: "Eron xalqining qasos qo‘li millatning imomiga qotillik qilganlarni og‘ir va pushaymon qiluvchi jazoga tortmaguncha to‘xtamaydi", — deya ta'kidladi.

Bundan tashqari, Oyatulloh Ali Xomanaiyning vafoti munosabati bilan Mashhad shahrida joylashgan Imom Rizo masjidi ustiga motam bayrog‘i osilgani xabar qilindi. Bu haqda Eron davlat televideniyesi orqali ma'lum qilingan.