Jebel Ali porti keskinlik sababli faoliyatini to‘xtatdi
Yaqin Sharqdagi eng yirik konteyner porti hisoblangan Jebel Ali porti mintaqadagi keskinlik sababli faoliyatini to‘xtatdi. Bu haqda Zamin.uz xabar berdi.
Bu haqda Bloomberg xabar berdi. Ma’lum bo‘lishicha, dunyodagi yirik dengiz tashuv kompaniyalaridan biri bo‘lgan "Mediterreynian Shipping Kompani" (MSC) Yaqin Sharqqa yuk tashishni vaqtincha to‘xtatgan.
Shuningdek, "A.P. Myoller–Mersk" va "Xapag-Lloyd" kompaniyalari ham Hurmuz bo‘g‘ozi orqali barcha qatnovlarni vaqtincha to‘xtatganini ma’lum qildi.
Bu holat logistikadagi uzilishlar sababli savdo, turizm, transport va moliyaga asoslangan Dubay kabi biznes markazlariga jiddiy ta’sir ko‘rsatmoqda. Mintaqa ilgari nisbatan xavfsiz hudud sifatida ko‘rilar edi, ammo hozirgi vaziyat tahlika darajasini oshirdi.
Ushbu voqealar mintaqadagi iqtisodiy barqarorlikka salbiy ta’sir ko‘rsatishi mumkin. Mintaqada xavfsizlikning pasayishi savdo va turizm sohalariga ham zarar yetkazishi kutilmoqda.
