AQSh va Isroil Eron rahbarini kuzatganmi
Eron oliy rahbari Oyatulloh Ali Xominaiyga qilingan hujum odatdagi tunda emas, balki ertalab sodir bo‘ldi. Bu haqda Zamin.uz xabar berdi.
BBC tahliliga ko‘ra, bu hujumdan bir necha soat oldin AQSh va Isroil muhim razvedka ma’lumotlariga ega bo‘lgan. Ma’lumotlarga ko‘ra, AQSh va Isroil bir necha oy davomida yuqori martabali eronlik amaldorlar qachon va qaerda to‘planishini kuzatib kelgan.
Razvedka ma’lumotlari Xominaiyning shanba ertalab Tehron markazidagi binolar majmuasida bo‘lishini ko‘rsatgan. Shu bilan birga, boshqa yuqori lavozimli harbiy va razvedka rahbarlari ham ayni vaqtda shu yerda uchrashuv o‘tkazayotganini ma’lum qilgan.
BBC yozishicha, AQSh va Isroil oliy rahbarning harakatlarini bir necha oy davomida kuzatib borgan. Qo‘llanilgan usullar maxfiy saqlanmoqda, lekin Donald Tramp ijtimoiy tarmoqlarda bu haqida ishora qilgan: "U bizning razvedkamiz va zamonaviy texnologiyalarimizdan qochib qutula olmadi".
BBC tahliliga ko‘ra, Xominaiyning joylashuvi haqidagi ma’lumot joydagi agent orqali yetkazilgan bo‘lishi mumkin. Biroq, zamonaviy texnologiyalar va boshqa eronlik yuqori lavozimli shaxslarning harakatlarini kuzatish orqali uning aniq joyi belgilangan bo‘lishi ehtimoli ham bor.
