Eron kemalari Ummon ko'rfazidan g'oyib bo'ldi
AQShning Markaziy Qo'mondonligi (CENTCOM) tomonidan berilgan rasmiy ma'lumotga ko'ra, ikki kun oldin Eron rejimi Ummon ko'rfazida jami 11 ta kema bilan faoliyat olib borgan. Bu haqda Zamin.uz xabar berdi.
Biroq, hozirda bu kemalarning soni nolga tenglashgani aytilmoqda. Bayonotda ta'kidlanishicha, Eron ko'p yillar davomida ushbu ko'rfazda xalqaro kemachilik xavfsizligiga tahdid solib kelgan va ba'zi hollarda kemalarga tajovuzkor harakatlar sodir etgan.
"Ikki kun oldin Eron rejimi Ummon ko'rfazida 11 ta kemaga ega edi. Bugun esa ularning soni nolga teng.
Eron rejimi uzoq yillar davomida xalqaro dengiz qatnoviga tahdid solib keldi. Bu davr endi ortda qoldi", — deyiladi CENTCOM xabarida.
Shuningdek, AQSh harbiylari bu operatsiya mintaqada dengiz yo'llari xavfsizligini ta'minlash va xalqaro savdo harakatlarini himoya qilish maqsadida amalga oshirilganini ham ta'kidlagan. Bu chora-tadbirlar xalqaro savdo va transport yo'llarining xavfsizligini mustahkamlashga qaratilgan.
