Trampning tanasidagi g‘alati belgilar matbuotda muhokamada
AQSH prezidenti Donald Trampning tashqi ko‘rinishidagi o‘zgarishlar ijtimoiy tarmoqlar va matbuotda katta qiziqish uyg‘otdi. Bu haqda Zamin.uz xabar berdi.
AQSH va Eron o‘rtasidagi ziddiyatlar fonida Trampning sog‘lig‘i va jismoniy holati milliy xavfsizlik masalasi sifatida ko‘rilmoqda. Ba’zi kuzatuvchilar bu holatni yuqori stress yoki charchoq belgisi sifatida baholamoqda.
Trampning bo‘ynida katta qizil dog‘ paydo bo‘ldi, ammo aksariyat operatorlar va matbuot vakillari buni ko‘rmagan. Tramp ilgari ham tanasida g‘alati belgilar bilan omma oldida paydo bo‘lgan.
Masalan, 2025 yil 25 dekabrda Rojdestvo marosimida uning bilaklarida ko‘karishlar kuzatilgan edi. Chap qo‘lida ko‘k-qizil gematoma bor edi, o‘ng qo‘ldagi dog‘ tonal krem orqali ham ko‘rinib turardi.
Shunga o‘xshash ko‘karishlar o‘tgan yil noyabr oyida ham kuzatilgan edi. Tramp dog‘larni tonal krem bilan yashirishga harakat qildi.
Amerika prezidenti matbuot xizmati bu dog‘larni Trampning qo‘l siqishlari bilan izohladi. Iyul oyida Oq uy matbuot kotibi Kerolayn Levitt shifokorlar Trampda surunkali venoz yetishmovchiligini aniqlaganini ma’lum qildi.
Bu kasallik xavfsiz va keng tarqalgan bo‘lib, ayniqsa 70 yoshdan oshgan kishilar orasida uchraydi. Shu bilan birga, chuqur venalar trombozi yoki arterial yetishmovchilik belgilari topilmagan.
