Eron: Trampning "qutqaruvi" fojealarga sabab bo‘lmoqda
Eron Tashqi ishlar vaziri Abbos Aroqchi AQSH prezidenti Donald Tramp tomonidan va’da qilingan "qutqaruv" amalda fojeali oqibatlarga olib kelayotganini ta’kidladi. Bu haqda Zamin.uz xabar berdi.
Uning so‘zlariga ko‘ra, AQSH va Isroil tomonidan boshlang‘ich maktabning bombardimon qilinishi oqibatida 160 nafardan ortiq aybsiz yosh qizaloqlar halok bo‘lgan. Bu fojea tasvirlarida qazilayotgan qabrlar aks etgan.
"Bu yerda ko‘rib turganingiz — parcha-parcha bo‘lib ketgan jasadlar. Ular begunoh bolalar edi.
Janob Tramp va’da qilgan "qutqaruv" aslida aynan shu manzaradan iborat", — dedi vazir. Shuningdek, u fojealar faqat G‘azo bilan cheklanmayotganini, zo‘ravonlik va qurbonlar soni tobora oshib borayotganini ta’kidladi.
"G‘azodan Minabgacha bo‘lgan hududlarda begunoh odamlar sovuqqonlik bilan qatl etilmoqda", deya qo‘shimcha qildi. Aroqchi xalqaro hamjamiyatni ushbu hujumlarga befarq qolmaslikka chaqirdi va tinch aholi, ayniqsa bolalar hayotini himoya qilish uchun zudlik bilan chora ko‘rish zarurligini alohida ta’kidladi.
