Eron kiber-xavfsizlikni kuchaytirish rejasini e'lon qildi
Eron poytaxti Tehronda yo‘l kameralari va mobil aloqa tizimlarining buzib kirilishi mamlakat uchun katta muammo bo‘ldi. Bu haqda Zamin.uz xabar berdi.
Isroil va AQSH razvedkasining bu qadar faol harakat qilgani Eronni o‘z kiber-himoya tizimini qayta ko‘rib chiqishga majbur qildi. Zamin.uz ekspertlari yangi kiber-himoya rejasini tahlil qilmoqda.
Razvedka ma’lumotlari sizib chiqqach, Eron hukumati strategik obyektlar atrofidagi raqamli infratuzilmani to‘liq izolyatsiya qilishga kirishdi. Kutilayotgan o‘zgarishlar orasida "G‘arb texnikasidan voz kechish" bor.
Eron kiber-xavfsizlik xizmati harbiy obyektlardagi G‘arb davlatlari texnologiyalarini almashtirishni boshlagan. Ularning o‘rniga mahalliy dasturiy ta’minot yoki Xitoy va Rossiyaning texnologiyalari qo‘llanishi kutilmoqda.
Yo‘l kuzatuv kameralarining buzilishi ularning global tarmoqqa ulanganini xato ekanligini ko‘rsatdi. Endilikda kuzatuv tizimlari va harbiy aloqa vositalari umumiy internetdan uzilib, faqat ichki tarmoqda ishlaydi.
Davlat idoralaridagi IT xodimlari qaytadan tekshiruvdan o‘tkaziladi va ichki josuslikka qarshi kurash kuchaytiriladi. Mobil aloqa minoralarining buzilishi Eronni sun’iy yo‘ldosh orqali ishlaydigan maxsus harbiy aloqa kanallarini yaratishga undadi.
Siyosatshunoslar fikricha, Tehron endi nafaqat raketalar, balki kiber-qurol poygasida ham faol bo‘lishga intiladi. Texnologiyalar rivojlanayotgan davrda 100 foizlik himoyani ta’minlash qiyin.
Sizningcha, raqamli asrda davlat sirlarini saqlashning eng yaxshi usuli nima: yuqori texnologiyali himoya yoki "qog‘oz va qalam" usulimi?
