Eron voris tayinlash jarayoni xavfsizlik sabab to'xtatildi
Eron oliy rahbari oyatulloh Ali Xomanaiyning vorisini tayinlash jarayoni xavfsizlik bilan bog‘liq tahdidlar sabab ortga surildi. Bu haqda Zamin.uz xabar berdi.
Bu haqda The New York Times Eron rasmiylariga tayangan holda xabar berdi. Ma'lumotlarga ko‘ra, oyatulloh Xomanaiyning o‘g‘li Mojtaba Xomanaiyning ehtimoliy voris sifatida tilga olinishi ortidan uning xavfsizligi bilan bog‘liq xavotirlar kuchaygan.
Shu sababli, Tehron bu masalada shoshilinch qaror qabul qilishdan tiyilmoqda. Xabarda Isroil mudofaa vaziri Israel Kats Eron tomonidan Xomanaiy o‘rniga tayinlanadigan har qanday yangi rahbar “nishonga aylanishi” mumkinligini bildirgan.
AQSh prezidenti Donald Tramp esa Mojtaba Xomanaiyni nomzod sifatida maqbul emas deb atab, Eronda uyg‘unlik va tinchlik olib keladigan shaxsni ko‘rishni istashini aytgan. Eslatib o‘tamiz, 28 fevral kuni AQSh va Isroil Eron hududiga qarshi harbiy operatsiya boshlagani, buning ortidan mintaqada keskinlik yanada kuchaygani haqida xabarlar tarqalgan edi.
Shu voqealar fonida Yaqin Sharqdagi bir qator davlatlar havo hududlarini vaqtincha yopishga majbur bo‘lgan.
