AQSH barcha strategik bombardimonchilarini bir vaqtda safarbar etdi
AQSH o‘z tarixida ilk bor barcha asosiy strategik uzoq masofali bombardimonchi samolyotlarini bir vaqtning o‘zida jangovar harakatlarga jalb qildi. Bu haqda Zamin.uz xabar berdi.
Bu haqda The Wall Street Journal xabar berdi. Ma’lumotlarga ko‘ra, Eronga qarshi olib borilayotgan harbiy amaliyotda AQSH Harbiy-havo kuchlarining eng kuchli strategik aviatsiyasi - B-2 Spirit, B-1 Lancer va B-52 Stratofortress bombardimonchilari ishtirok etmoqda.
Ushbu uch turdagi samolyotlar AQSHning uzoq masofadan aniq va kuchli zarba berish imkoniyatiga ega asosiy havo kuchlaridan hisoblanadi. Nashrning yozishicha, bu samolyotlar odatda turli operatsiyalarda alohida yoki cheklangan tarzda qo‘llanadi.
Biroq, bu safar ularning barchasini bir vaqtning o‘zida jangovar operatsiyaga jalb etish Vashingtonning mintaqadagi harbiy bosimini sezilarli darajada oshirganini ko‘rsatadi. Harbiy tahlilchilarning fikricha, strategik bombardimonchilarning bunday miqyosdagi safarbarligi AQSH tomonidan yuborilgan jiddiy siyosiy va harbiy signal sifatida baholanmoqda.
Bu esa Yaqin Sharqdagi vaziyatning yanada keskinlashishi mumkinligi haqidagi xavotirlarni kuchaytirmoqda.
