AQSh Eron bilan to‘qnashuvda 6 milliard dollar sarfladi
AQSh va Eron o‘rtasida boshlangan harbiy to‘qnashuvning dastlabki haftasida AQSh taxminan 6 milliard dollar sarfladi. Bu haqda Zamin.uz xabar berdi.
Ushbu ma’lumot The New York Times nashriga Pentagon tomonidan Kongressga taqdim etilgan hisobot asosida berilgan. Xarajatlarning asosiy qismi, ya’ni 4 milliard dollari, Eronning raketa hujumlarini qaytarishga mo‘ljallangan o‘q-dorilarni sotib olishga sarflangan.
Hozirgi paytda qonun chiqaruvchilar AQSh ma’muriyatining harbiy harakatlarni davom ettirish uchun qo‘shimcha byudjet so‘rab murojaat qilishini kutishmoqda. Shuningdek, 28 fevral kuni AQSh va Isroil Eron hududiga keng ko‘lamli havo hujumlarini boshladi.
Ushbu hujumlar natijasida Eronning oliy rahbari oyatulloh Ali Xomanaiy vafot etdi. Eron bu yo‘qotishni 1 mart kuni rasman tasdiqladi.
Bunga javoban Islom inqilobi qo‘riqchilari korpusi Isroil hududidagi nishonlarga qarshi qasos operatsiyasini boshlaganini e’lon qildi. Vaziyat yanada keskinlashib, Bahrayn, Iordaniya, Qatar, Quvayt, BAA va Saudiya Arabistonida joylashgan AQSh harbiy bazalariga ham zarbalar berildi.
