Polshada haydovchilik imtihonini 139 urinishdan keyin topshirgan rekordchi
Polshaning Tarnuv shahrida yashovchi bir fuqaro haydovchilik guvohnomasi olish uchun nazariy imtihonni 139-urinishda topshirib, noyob rekord o‘rnatdi. Bu haqda Zamin.uz xabar berdi.
Bu haqda Kichik Polsha yo‘l harakati markazi vakili “RIA Novosti” agentligiga ma’lum qildi. Uning so‘zlariga ko‘ra, Tarnuv shahridan bo‘lgan nomzod haydovchilik guvohnomasi uchun nazariy imtihonni birinchi marta 2017 yilda topshirgan.
So‘nggi to‘qqiz yil davomida u ushbu imtihonni muntazam ravishda qayta topshirib kelgan. Avvalgi 138 urinishda esa muvaffaqiyatga erisha olmagan.
Bu holatning sababi nomzodning tayyorlangan o‘quv materiallari to‘liq emasligi bilan bog‘liq bo‘lgan. U uzoq vaqt davomida barcha savollarni o‘z ichiga olmaydigan demo-testlardan foydalanib, jiddiy tayyorgarlik ko‘rgan bo‘lsa-da, bu unga imtihonda muvaffaqiyat keltirmagan.
Keyinchalik, nomzod to‘liq imtihon dasturiga ega bo‘lib, o‘quv materiallarini to‘liq o‘zlashtirgach, natijalari sezilarli darajada yaxshilandi. Nihoyat, u nazariy imtihonni muvaffaqiyatli topshirdi va hozirda amaliy imtihon uchun ro‘yxatga olingan.
Kichik Polsha yo‘l harakati markazi xodimi uning haydovchilik guvohnomasini olish jarayonini muvaffaqiyatli yakunlashiga umid bildirdi. Ushbu voqea haydovchilik guvohnomasi olish jarayonidagi sabr-toqat va qat’iyatning muhimligini yana bir bor ko‘rsatdi.
