Trampning qo‘llab-quvvatlash darajasi tarixiy pastlikka tushdi

Amerika Qo‘shma Shtatlari prezidenti Donald Trampning qo‘llab-quvvatlash darajasi Yaqin Sharqdagi yangi mojarolar ortida keskin pasayib, o‘z tarixidagi eng past ko‘rsatkichga yetdi. Bu haqda Zamin.uz xabar berdi.

So‘nggi o‘tkazilgan so‘rovlar natijalariga ko‘ra, uning reytingi jami 36 foizni tashkil qilmokda. Bu raqam prezidentning lavozimga qaytgan dastlabki oylarida 47 foizni, Yaqin Sharqdagi ziddiyatlar boshlanishidan avval esa 40 foizni tashkil qilgan edi.

Demak, ahvolning kunda xunuklashgani aniq ko‘rinmoqda. Reuters va Ipsos tashkilotlari o‘tkazgan keng qamrovli so‘rovlardan kelib chiqqan ma’lumotlarga ko‘ra, amerikalik aholining atigi yarmi ham Trampning narx-navo siyosatini to‘liq qo‘llab-quvvatlamaydi.

Xususan, atigi 25 foiz fuqaro iqtisodiyotdagi narxlarni boshqarishda prezidentning sa’y-harakatlarini ma’qullaydi. Iqtisodiyot sohasidagi umumiy ko‘rsatkichlar esa hali ham yomonroq bo‘lib, faqat 29 foiz aholi Oq uy rahbarining iqtisodiy kursini yuqori baholaydi.

Shu bilan birga, aholining 61 foizi AQShning Eron bilan olib borilayotgan harbiy harakatlarini noto‘g‘ri va asossiz deb hisoblaydi. Aholining katta qismi, ya’ni 63 foizini mamlakat iqtisodiyotining hozirgi holatini zaif deb baholagan.

Mutaxassislar reytingning shu qadar tushib ketishiga asosiy sabab sifatida Eron bilan kengayib borayotgan mojarolar va kundalik hayotda benzin hamda turmush xarajatlarining keskin oshishini ko‘rsatmoqda. Bu omillar odamlarning kunkechlik darajasiga bevosita ta’sir ko‘rsatmoqda.

Juda muhim jihat shundaki, Donald Tramp o‘zining saylov kampaniyasi davomida yangi urushlardan qochish va tinchlikni saqlashga urg‘u berishni va’da qilgan edi. Ammo bugungi kunda Eron bilan yuzaga kelgan ziddiyatlar va neft narxining oshishi uning siyosiy pozitsiyasiga jiddiy bosim o‘tkazmoqda.

Xalqning umidlarini oqlay olmaslik va’da berilgan tinchlikka nishon olishiga olib keldi. Hozirgi vaziyatda prezidentning siyosiy kelajagi ancha noaniq bo‘lib qolgan.