NATO Yaqin Sharq urushiga qaramay Ukrainaga yordamni davom ettirmoqda
NATO bosh kotibi Mark Rutte 26 mart kuni Yaqin Sharqdagi urushga qaramay, alyansning xarid tizimi orqali Ukrainaga harbiy yordam yetkazib berish ishlari davom etayotganini ma’lum qildi. Bu haqda Zamin.uz xabar berdi.
Bryusselda so‘zlaganida, PURL mexanizmi orqali xarid qilingan muhim harbiy uskunalar, xususan, Yevropadagi ittifoqchilar tomonidan sotib olingan va AQShda ishlab chiqarilgan qurollar hozirgi kunda ham Kiyevga yetkazilayotganini ta’kidladi. Bu haqda DW.com sayti xabar berdi.
Ruttening so‘zlariga ko‘ra, NATO allaqachon Ukrainaga harbiy yordam ko‘rsatishni, jumladan qurol-aslaha yetkazib berishni, o‘quv dasturlarini amalga oshirishni hamda a’zo davlatlar o‘rtasida tajriba almashinuvini muvofiqlashtirmoqda. Shu bilan birga, u alyans o‘zini urushning bir tomonida deb hisoblamasligini bildirgan va NATOning Ukrainaning mudofaa tizimidagi ishtiroki darajasini aniqlab berishdan tiyilgan.
Mark Rutte yana bir bor ta’kidlashicha, Ukraina NATOga a’zo bo‘lish imkoniyatiga ega, ammo hozircha a’zolik masalasi ko‘rib chiqilmayapti. Unga ko‘ra, Ukraina xavfsizligi NATO mamlakatlari xavfsizligi bilan bevosita bog‘liq bo‘lgani uchun, Ukrainani qo‘llab-quvvatlash alyansning eng muhim ustuvor yo‘nalishlaridan biri hisoblanadi.
Shuningdek, Rutte Rossiyani Yevroatlantika xavfsizligiga eng jiddiy va bevosita tahdid deb atadi. U Moskvaning kibehujumlar, sabotaj va yolg‘on ma’lumotlar tarqatish orqali G‘arb jamiyatlarini zaiflashtirishga harakat qilayotganini tanqid qildi.
Bundan tashqari, Rossiyaning Eron, Xitoy va Shimoliy Koreya bilan aloqalari kuchayib borayotgani alyans uchun xavf-xatarlarni oshirayotganini ogohlantirdi.
