Italiya muzeyidan mashhur impressionistlar asarlari o‘g‘irlab ketdi

Italiyaning Parma shahri yaqinida joylashgan xususiy Manyani-Rokka muzeyidan dunyoga mashhur impressionist rassomlarning bir qancha qimmatbaho asarlari o‘g‘irlab ketdi. Bu haqda Zamin.uz xabar berdi.

Politsiya rasmiy vakili 29 mart, yakshanba kuni ushbu xabarni italyan ommaviy axborot vositalariga tayanib, xalqaro agentliklarga tasdiqladi. Maxsus manbalarning ma’lumotlariga ko‘ra, bu vaqelik voqea bir hafta oldin, ya’ni 22 martdan 23 martga o‘tar kechasi sodir etilgan.

O‘g‘irlangan asarlar orasida Per-Ogyust Renuarning kechki davrga oid Baliqlar asari, Pol Sezannning qalam va akvarelda yaratilgan Gilosli natyurmorti hamda Anri Matissning Ayvondagi odaliska akvareli bor. Hodisa haqidagi xabarlarda qayd etilishicha, yuzlarini kapyushon bilan yashirgan jinoyatchilar muzeyning kirish eshigini buzib kirib, bog‘ orqali atigi uch daqiqada qochib ketgan.

Manyani-Rokka fondi bu harakatni rejalashtirilgan jinoyat deb baholasa ham, videokuzatuv tizimi va politsiya xodimlarining tezkor aralashuvi tufayli voqea yanada jiddiy oqibatlarga olib kelmad. O‘g‘irlangan asarlarning taxminiy qiymati millionlab yevro bilan baholanmoqda va hozirda tergov ishlari faol ravishda olib borilmoqda.

Luiji Manyani nomi bilan nomlangan ushbu fondning to‘plamida Titsian, Dyurer, Rubens va Goyya kabi buyuk rassomlar asarlari ham saqlanadi. Shuningdek, bu xususiy muzey Italiyadagi eng qadrli va muhim badiiy to‘plamlardan biri sifatida tanilgan.

Bu hodisa san’at olamidagi oxirgi oylarda sodir bo‘lgan yagona shov-shuvli o‘g‘irlik emas. 2025 yilning 19 oktyabrida Parijdagi Luvr muzeyidan Fransiya monarxlariga tegishli qimmatbaho taqinchoqlar o‘g‘irlab ketilgan bo‘lib, ularning umumiy qiymati taxminan 88 million yevro ekanligi ma’lum bo‘lgan.

Jinoyatchilar qochayotganda olmos va zumradlar bilan bezatilgan imperatritsa Yevgeniyaning tojini ham tushirib yuborgan. Xabarlarga ko‘ra, bu ish bo‘yicha bir necha shaxs qo‘lga olingan va ayrimlariga ayblovlar e’lon qilingan, ammo taqinchoqlar hozircha topilmagan.

Keyinchalik ma’lum bo‘lishicha, o‘g‘irlikda ishtirok etgan shaxslar Luvr bilan muzokara olib borishga harakat qilishgan, biroq Fransiya muzeyi bu taklifni rad etgan. Shuningdek, noyabr oyida internetda tarqatilgan video Ukraina Milliy korrupsiyaga qarshi byurosi tomonidan tasvirlangan, degan ma’lumot bilan tarqatilgan.

Unda o‘g‘irlangan buyumlar Ukraina milliarderi va prezident Volodimir Zelenskiyning sobiq hamkori Timur Mindich uyidan topilgani aytiladi. DW faktcheki esa bu videorolik feyk ekanini va uning bir qismi sun’iy intellekt yordamida yaratilganini tasdiqladi.

Mazkur hodisa san’atshunoslar, kolleksionerlar va jamoatchilik e’tiborini yana-da kuchaytirib, xalqaro darajadagi qadrli asarlarning xavfsizligini yana bir bor ko‘rsatib berdi.