Eron Hurmuz bo'g'ozi orqali o'tish uchun majburiy to'lov joriy etmoqda
Eron hukumati Hurmuz bo‘g‘ozi orqali harakatlanayotgan tijorat kemalari uchun majburiy to‘lov tizimini rasman joriy etmoqda. Bu haqda Zamin.uz xabar berdi.
Hozirda bu to‘lovlar orqali xavfsizlik va tanker xizmatlarini moliyalashtirish maqsadida maxsus suv yo‘llarini boshqarish tizimini yaratish uchun yangi qonun loyihasi ishlab chiqilmoqda. Bu haqda Podrobno.uz xabar berdi.
Avvalroq, 20 mart kuni Eron hukumati mahalliy to‘lov tizimini ishga tushirgan edi. Xabarlarga ko‘ra, tasdiqlangan tashuvchilarga har bir tranzit uchun taxminan ikki million dollar evaziga xavfsiz yo‘lakka kirish huquqi berilgan.
Hozirda rasmiylar ushbu strategik dengiz yo‘li orqali o‘tish huquqini rasmiy ro‘yxatga olish tizimi orqali nazorat qilishga tayyorlanmoqda. Dengiz qatnovini pullik qilish va cheklash qarori Amerika Qo‘shma Shtatlari hamda Isroil tomonidan Islom Respublikasiga qarshi amalga oshirilgan so‘nggi harbiy amaliyotlardan keyin qabul qilindi.
Tarixan Hurmuz bo‘g‘ozi dunyo neftining 20 foizigacha va suyultirilgan tabiiy gazning 30 foizidan ortig‘ini tashishga imkon beruvchi muhim global nazorat punkti hisoblanadi. 25 mart kuni Tehron do‘st davlatlar, jumladan Rossiya, Xitoy, Hindiston, Iroq va Pokiston kemalariga cheklovsiz va bepul tranzit imtiyozlarini taqdim etdi.
Shu bilan birga, Eron tashqi ishlar vaziri Abbos Arag‘chi hozirgi xalqaro sharoitda geosiyosiy raqiblarning bo‘g‘ozga kirishiga ruxsat berish endi mantiqqa to‘g‘ri kelmasligini ta’kidladi.
