AQSh Yaqin Sharqdagi harbiy operatsiyani yakunlaydi

AQSh prezidenti Donald Tramp Yaqin Sharqdagi harbiy operatsiyaning yaqin ikki-uch hafta ichida yakunlanishini ma’lum qildi. Bu haqda Zamin.uz xabar berdi.

Unga ko‘ra, amalga oshirilgan harakatlar asosiy maqsadlarga erishishga imkon berdi. Trampning so‘zlariga ko‘ra, AQSh Eronning yadro quroli yaratish imkoniyatini deyarli yo‘qqa chiqardi.

Shuningdek, mamlakat ichida yanada vazminroq yetakchilar hokimiyatga kelganini ta’kidladi. Oq uy rahbari Vashington Tehron bilan kelishuvga erishish yoki erishmasligidan qat’iy nazar operatsiyani yakunlab, mintaqadan chiqib ketishni rejalashtirmoqda.

Uning fikricha, hozirda operatsiyani davom ettirish zarurati yo‘q. Tramp shuningdek, Eronning iqtisodiyoti va harbiy qudrati sezilarli darajada zaiflashganini bildirdi.

Bundan tashqari, AQSh prezidenti mahalliy vaqt bilan soat 21:00 da Eron masalasi yuzasidan xalqqa murojaat qilishi kutilmoqda. Ushbu murojaatda u mamlakatning keyingi siyosati va harbiy operatsiya yakunlari haqida so‘zlaydi.