Eronga qarshi harbiy harakatlarda AQSH armiyasi katta yoqotishlarga uchradi
Amerika Qo‘shma Shtatlari va Isroilning Eronga qarshi amalga oshirgan harbiy harakatlari natijasida AQSH armiyasi sezilarli yo‘qotishlarga duch keldi. Bu haqda Zamin.uz xabar berdi.
Rasmiy manbalardan olingan ma’lumotlarga ko‘ra, ushbu to‘qnashuvlar davomida jami 399 nafar amerikalik harbiy xizmatchi turli darajadagi jarohatlar oldi. Markaziy komandlik vakillarining taqdim etgan ma’lumotlariga ko‘ra, jarohat olgan harbiylardan uchtasining ahvoli og‘ir bo‘lib qolmoqda va ular maxsus tibbiy nazorat ostida turibdi.
Shuningdek, jabrlanganlarning katta qismi, aniqrog‘i 350 nafardan ortiq askarlar zaruriy davolanish muolajalarini tamomlab, qaytadan o‘z xizmatiga qaytganligi qayd etildi. Tahlillarga ko‘ra, jarohat olgan harbiylarning asosiy qismini quruqlikdagi qo‘shinlar safida xizmat qilayotgan askarlar tashkil etgan.
Eng achinarli tomoni shundaki, so‘nggi ma’lumotlar AQSH armiyasining 13 nafar harbiy xizmatchisi halok bo‘lganini ko‘rsatmoqda. Taakkidlash joizki, bir hafta avval e’lon qilingan hisobotlarda yaradorlar soni 370 nafardan ortiq ekani aytilgan edi.
O‘sha vaqtdagi ma’lumotlarga ko‘ra, 330 nafar askar sog‘ligini tiklab xizmatga qaytgan, besh nafarining ahvoli esa og‘ir deb baholangan edi. Yangi ma’lumotlar yo‘qotishlar soni va jarohatlanganlar ro‘yxati o‘zgarganini ko‘rsatmoqda.
