Boliviyada ommaviy noroziliklar sabab favqulodda holat joriy etildi
Boliviya prezidenti Rodrigo Pas mamlakatda davom etayotgan ommaviy norozilik namoyishlari sabab favqulodda holat rejimi joriy etilganini bildirdi. Bu haqda Zamin.uz xabar berdi.
Uning so‘zlariga ko‘ra, bu qaror mamlakatdagi vaziyatni barqarorlashtirish, to‘sib qo‘yilgan yo‘llarni ochish va transport harakatini qayta tiklash maqsadida qabul qilingan. Pasning ta’kidlashicha, yo‘llarning yopilishi odamlarning ishga borishiga, o‘qishiga, oziq-ovqat va zarur mahsulotlarni olishiga jiddiy to‘sqinlik qilmoqda.
Shuningdek, tibbiy yordam ko‘rsatishda ham muammolar paydo bo‘lgan. Prezident favqulodda holat oddiy hayotni buzish uchun emas, balki uni qayta tiklash uchun joriy etilganini aytdi.
Boliviyada norozilik namoyishlari o‘tgan oydan beri davom etmoqda. Namoyishchilar prezidentning iste’fosi, mehnat shartlarini qayta ko‘rib chiqish va ayrim qonunlarni bekor qilishni talab qilmoqda.
Rasmiylar vaziyatni nazoratga olish va jamoat tartibini ta’minlash uchun favqulodda choralar qo‘llanishini aytmoqda.
