Mas’ud Temur Tolibon tomonidan qo‘lga olingani haqida xabar kelmoqda

Badaxshon viloyatida o‘zbek madaniyat faoli Mas’ud Temur hibsga olingani haqida xabar kelmoqda. Bu haqda Zamin.uz xabar berdi.
Mahalliy manbalarga ko‘ra, u 19 iyun kuni Fayzobod shahrida Tolibon razvedka kuchlari tomonidan qo‘lga olingan. Shundan beri uning qayerda ekani va ahvoli haqida aniq ma’lumot berilmayapti.
Aytilishicha, Temur ijtimoiy tarmoqlarda Afg‘onistondagi turkiy etnik guruhlar huquqi va o‘zligini himoya qilib kelgan. Shuningdek, u Hirotdagi namoyishchilarni qo‘llab-quvvatlagani uchun hibsga olingan bo‘lishi mumkinligi aytilmoqda.
Tolibonning Badaxshondagi mahalliy rasmiylari hozircha holat yuzasidan izoh bermagan.





