Shimoliy Koreyalik askar Janubiy Koreyaga o‘tib kirdi
Shimoliy Koreya armiyasida xizmat qilgan bir harbiy xizmatchi Janubiy Koreya hududiga o‘tib kirishga muvaffaq bo‘ldi. Bu haqda Zamin.uz xabar berdi.
Hodisa Koreya yarimorolining markaziy qis joylashgan chegaraviy hududida yuz berdi. Yonhap axborot agentligi tarqatgan xabarga ko‘ra, Janubiy Koreya Qurolli Kuchlari 23 iyun kuni kechki payt bir nafar shimoliy koreyalik askarni aniqlab, nazorat ostiga o‘lgan.
Bu haqda Janubiy Koreya armiyasi rasmiy bayonoti orqali ma’lum qilindi. Bayonotda aytilishicha, harbiy xizmatchi markaziy front yaqinida bo‘lgan vaqtda ushlangan.
Hozirda vakolatli idoralar voqeaning barcha tafsilotlarini va sabablarini o‘rganish ishlarini olib bormoqda. Dastlabki ma’lumotlarga ko‘ra, askar Janubiy Koreyadan boshpana olish maqsadida chegarani kesib o‘tgan.
Uning qochish yo‘li va bu jarayon qanday o‘tgani hozircha ma’lumot sifatida oshkor qilinmagan. Ma’lumki, Shimoliy va Janubiy Koreya o‘rtasidagi chegara dunyodagi eng kuchli qo‘riqlanadigan hududlardan biri hisoblanadi.
Ikki davlat orasida demilitarizatsiya qilingan zona mavjud bo‘lib, uning har ikki tomonida qo‘simcha xavfsizlik choralari va bufer hududlar joylashgan. Mutaxassislarning ta’kidlashicha, bunday holatlar kamdan-kam uchraydi.
Shu sababli ushbu voqea Koreya yarimorolida yana bir bor jamoatchilik va xalqaro hamjamiyat e’tiborini tortdi.
