Fransiyada Ebola virusi aniqlandi

Fransiyada yangi Ebola virusi aniqlandi. Bu haqda Zamin.uz xabar berdi.

Bu Afrikadan tashqarida ilk marta qayd etilgan holat. Fransiya Sog‘liqni saqlash vazirligi ma’lumotlariga ko‘ra, virus Demokratik Kongodagi gumanitar missiyadan qaytgan shifokorda aniqlangan.

Shifokor maxsus xavfsizlik choralari asosida shifoxonaga yotqizilib, izolatorga joylashtirilgan. Bemorning ahvoli barqaror deb baholanmoqda.

Sanitariya xizmatlari shifokor bilan muloqotda bo‘lgan shaxslarni aniqlamoqda. Ular 21 kun davomida uy karantinida saqlanadi.

Mutaxassislar Bundibugio shtammi tarqalayotganini bildirgan. Unga qarshi tasdiqlangan vaksina yoki maxsus davolash usuli hozircha mavjud emas.

Demokratik Kongoda qariyb 1100 ta kasallanish va 280 ga yaqin o‘lim qayd etilgan. Ugandada esa 20 ta holat va ikki o‘lim aniqlangan.

Fransiyada bunday holat ilk marta ro‘y berayotgani e’tiborni tortmoqda.