Meksikada Mayya sivilizatsiyasiga oid yangi shahar kashf etildi
Meksikaning zich o‘rmon hududida arxeologlar tomonidan Mayya sivilizatsiyasiga oid yangi shahar kashf etildi. Bu haqda Zamin.uz xabar berdi.
Topilgan shahar ming yildan ortiq vaqt mobaynida insonlar nazaridan berida qolib kelgan. Kalakmul biosfera qo‘riqxonasi hududida sloveniyalik va meksikalik olimlar qo‘shaman ekspeditsiyasi olib borishgan.
Aniqlangan yangi yodgarlikka Mayya tilida "yo‘l yo‘q" ma’nosini anglatuvchi Minanbe nomi berilgan. Bu atama shaharga yetib borish juda qiyin bo‘lganligi bilan izohlanadi.
Ekspeditsiyaga Sloveniya Fan va San’at Akademiyasi Ilmiy-tadqiqot Markazining arxeologi Ivan Shprays rahbarlik qilgan. Dala ishlaridan oldin mutaxassislar Lazerli skanerlash texnologiyasi orqali olingan hudud tasvirlarini o‘rganishgan.
Shu tariqda zich o‘rmon ostida qadimiy sun’iy inshootlar mavjudligi aniqlangan. Natijada taxminan 13 ga maydonni egallagan qadimiy shahar topildi.
Dastlabki ma’lumotlarga ko‘ra Minanbe milodiy 600-900 yillar oralig‘ida barpo etilgan. Hududda ko‘pgon me’moriy qurilmalar saqlanib qolgan, jumladan 13 metr balandlikdagi piramida, suv oid ramzlar va diniy marosimlarga oid tosh bitimlar mavjud.
Arxeologlarning so‘zlariga ko‘ra, yodgorlik deyarli shikastlanmagan holatda yetib kelgan. Boshqa ko‘plab Mayya shaharlaridan farqli ravishda bu joyda talon-toroj yoki noqonuniy qazish izlari topilmagan.
Bu holat Minanbening ilmiy va tarixiy qiymatini yanada oshirmoqda. Olimlar fikricha, ushbu shahar o‘z davrining yirik iqtisodiy va mintaqaviy markazlaridan biri hisoblangan.
Yangi kashfiyot Mayya sivilizatsiyasining hali o‘rganilmagan sirlarini ochishda muhim ahamiyatga ega bo‘ladi.
