Foksboro stadionida otishma sodir bo‘lib to‘rt kishi jarohat oldi
2026 yilgi jahon chempionati doirasida Norvegiya va Fransiya milliy terma jamoalari o‘rtasidagi uchrashuvdan keyin xavotirli hodisa yuz berdi. Bu haqda Zamin.uz xabar berdi.
Fransiyaning hisobidan g‘alaba qozonilgan o‘yindan so‘ng yuzlab muxlis to‘plangan hududda otishma sodir bo‘ldi. Dastlabki ma’lumotlarga ko‘ra, kamida to‘rt kishi o‘qdan jarohat oldi.
Uchrashuv AQSHning Massachusets shtatidagi Foksboro shahrida joylashgan stadionda o‘tkazilgan. Massachusets politsiya departamenti xabar berishicha, juma kuni yarim tunga yaqin otishma haqida bir nechta chaqiruv kelib tushgan.
Politsiya xodimlari hodisa joyiga yetib borganda, ko‘chalar kesishmasida kamida to‘rt fuqaro o‘qotar quroldan jarohatlangan holda topilgan. Jabrlanganlarning barchasi shifoxonaga olib ketilgan, biroq ularning ahvoli haqida hali rasmiy ma’lumot berilmagan.
Otishma bilan bog‘liq holda kimdir hibsga olingani to‘g‘risida ham hali xabar yo‘q. Huquqni muhofaza qiluvchi organlar voqea tafsilotlarini o‘rganmoqda va tergov ishlari davom ettirilmoqda.
Eslatib o‘tganda, 2026 yilgi jahon chempionati 11 iyundan 19 iyulga qadar AQSH, Meksika va Kanadada o‘tkazilmoqda. Amaldagi jahon chempioni Argentina milliy hisoblanadi.
