Venesuelada zilziladan keyin 18 kunlik chaqaloq vayronalar astidan sog-salomat topildi
Venesuelada yuz bergan kuchli zilziladan keyin qidiruv-qutqaruv ishlari tinimsiz davom etmoqda. Bu haqda Zamin.uz xabar berdi.
Qutqaruvchilar vayronalar astidan 18 kunlik chaqaloqni 32 soat davomida izlab topib, sog-salomat olib chiqishga muvaffaq bo‘ldi. Qutqaruv amaliyoti aks etgan videolar ijtimoiy tarmoqlarda keng tarqalib, ko‘plab insonlarni hayajonga soldi.
Chaqaloqning tirik qolishi tabiiy ofat fonidagi eng quvonchli va umid baxsh etuvchi voqealardan biri sifatida baholanmoqda. So‘nggi ma’lumotlarga ko‘ra, kuchli zilzila oqibatida halok bo‘lganlar soni 920 nafarga yetgan.
Yuzlab odamlar jarohat olgan, yana ko‘plab fuqarolar bedarak yo‘qolganlar ro‘yxatida qolmoqda. Ayni paytda qutqaruvchilar vayronalar ostida tirik qolganlarni izlash ishlarini davom ettirmoqda.
Mutaxassislar har bir daqiqa muhimligini ta’kidlab, qidiruv ishlari tun-u kun to‘xtovsiz olib borilayotganini ma’lum qilmoqda.
