Yevropa Ittifoqi Venesuelaga 5 million yevro yordam ajratdi
Yevropa Ittifoqi kuchli zilziladan jabr ko‘rgan Venesuelaga shoshilinch yordam sifatida 5 million yevro ajratdi. Bu haqda Zamin.uz xabar berdi.
Bu haqda Yevropa Ittifoqi diplomatikasi rahbari Kaya Kallas Venesuela vitse-prezidenti Delsi Rodriges bilan telefon orqali suhbatdan so‘ng e’lon qildi. Kallasning aytishicha, Yevropa fuqarolik muhofazasi mexanizmi ishga tushirilgan.
Ittifoqqa a’zo bir qator davlatlar Venesuelaga qidiruv va qutqaruv guruhlari, o‘t o‘chiruvchilar va tibbiy xodimlarni yuborgan. Ular zilzilada jabr ko‘rgan aholini xavfsiz joyga ko‘chirish va tibbiy yordam ko‘rsatish bilan shug‘ullanmoqda.
Shuningdek, Yevropaning Copernicus sun’iy yo‘ldosh tizimi ham qutqaruv ishlariga jalb etilgan. U tabiiy ofatdan eng ko‘p zarar ko‘rgan hududlarni aniqlash va yordam yetkazish jarayonini muvofiqlashtirishga ko‘maklashmoqda.
Sun’iy yo‘ldosh orqali olingan tasvirlar zarar ko‘rgan joylarni aniqlash va yordam guruhlariga to‘g‘ri yo‘naltirish imkonini bermoqda. Venesuelada sodir bo‘lgan kuchli zilzilada ko‘p soniy insonlar halok bo‘lgan va minglab uylar vayron etilgan.
Xalqaro hamjamiyat zarar ko‘rgan mamlakatga keng qamrovli yordam ko‘rsatishga kirishgan. Yevropa Ittifoqi Venesuelaga mamlakat iqtisodiyotini tiklash va zararni bartaraf etish bo‘yicha qo‘shimcha yordam berishga tayyorligini bildirgan.
