Janubi-Sharqiy Osiyoda minglab ayollar kiberfiribgarlikka majbur qilinmoqda
Janubi-Sharqiy Osiyoda joylashgan yashirin kiberfiribgarlik markazlarida minglab ayollar o‘z xohishlariga qarshi ushlab turilgani va jinoiy ishlarga majburlanganini ko‘rsatuvchi dalillar aniqlandi. Bu haqda Zamin.uz xabar berdi.
Kambodja, Myanma va Laos davlatlarida o‘tkazilgan maxsus amaliyotlar natijasida bir qancha jabrlanuvchilar ozod etildi. Ayollar ushbu joylarga asosan internetdagi soxta ish e’lonlari orqali jalb qilingan.
Ularga yuqori maosh, qulay yashash sharoitlari va rasmiy ishga kirish va’da qilingan. Biroq kelib olgach, ularga internet orqali odamlarni aldash va ularning pullarini o‘zlashtirishga majburlangan.
Vazifalarni bajarishdan bosh tortgan ayollar kaltaklangan, qiynoqqa solingan va turli tahdidlarga duchor qilingan. Ayrim hujjatlarga ko‘ra, ayollarga nisbatan jinsiy zo‘ravonlik sodir etilgan va ular boshqa guruhlarga sotilgan holatlar ham qayd etilgan.
Huquqni muhofaza qiluvchi tashkilotlar ushbu jinoyat tarmoqlarini boshqargan shaxslarni aniqlash va jabrlanuvchilarni o‘z mamlakatlariga qaytarish bo‘yicha faoliyatini davom ettirmoqda. Tergov ishlari hali o‘z yakuniga yetmagan.
