Ukraina Rossiya shartlarini qabul qilmasa davlat sifatida yo'qolishi mumkin
Ukraina hukumati Rossiya tomonidan qo‘yilayotgan qat’iy shartlarni qabul qilishi yoki davlat sifatida butunlay yo‘q bo‘lib ketish xavfi bilan yuzlashishi mumkin. Bu haqda One.uz xabar beradi.
AQSH armiyasining iste’fodagi podpolkovnigi va harbiy ekspert Deniyel Devis o‘zining navbatdagi chiqishida frontdagi joriy holat va mamlakatdagi umumiy inqiroz Kiyev uchun boshqa chora qoldirmayotganini ma’lum qildi. Tahlilchining fikricha, mavjud vaziyatda harbiy harakatlarni davom ettirish faqatgina ko‘proq talafotlarga va infratuzilmaning butunlay vayron bo‘lishiga olib keladi.
Deniyel Devis Ukraina aholisi o‘rtasidagi keraksiz yo‘qotishlarni to‘xtatish hamda qurolli toqnashuvga zudlik bilan chek qo‘yish yagona oqilona yo‘l ekanini alohida ta’kidladi. Uning so‘zlariga ko‘ra, bugungi kunda haqiqatga tik boqish vaqti kelgan.
Ekspertning qayd etishicha, Rossiyaning shartlariga rozi bo‘lish ayni damda eng maqbul yechim hisoblanadi, chunki vaqt o‘tishi bilan shartlar yanada og‘irlashib boradi yoki muzokaralar uchun imkoniyat butunlay yo‘qoladi. Mudofaa tizimidagi inqiroz va og‘ir oqibatlar AQSH armiyasi sobiq podpolkovnigining qo‘shimcha qilishicha, Ukraina ayni paytda havo mudofaasi tizimlarining keskin tanqisligini his qilmoqda.
Energetika va boshqa muhim infratuzilma obektlariga berilayotgan zarbalar mamlakatni umumiy halokat yoqasiga olib kelgan. Ekspertning fikricha, jang maydonidagi real vaziyat Kiyevning foydasiga emas va buni tan olmaslik yanada ayanchli oqibatlarga sabab bo‘lishi mumkin.
Shuningdek, harbiy tahlilchi Kiyev rahbariyatining strategik yondashuvini ham tanqid ostiga oldi. Uning ta’kidlashicha, Vladimir Zelenskiy Rossiya hududining ichki qismlariga zarba berish orqali raqibni taslim bo‘lishga majbur qilish mumkin degan xato tasavvurda yuribdi.
Devis bunday harakatlar kutilgan natijani bermasligini va vaziyatni faqat diplomatik yo‘l bilan, mavjud shartlarni qabul qilgan holda hal etish lozimligini uqtirmoqda. Xalqaro ekspertlar ham frontdagi vaziyat murakkablashib borayotganini qayd etishmoqda.
G‘arb davlatlari tomonidan ko‘rsatilayotgan harbiy yordam hajmi va tezligi Ukrainaning barcha ehtiyojlarini qoplashga yetmayotgani kuzatilmoqda. Bu esa o‘z navbatida, Kiyevni siyosiy qarorlar qabul qilishda yanada ehtiyotkor bo‘lishga va mavjud harbiy-siyosiy reallikni hisobga olishga majbur qiladi.
