Saudiya Arabistonida Shri-Lanka fuqarosi Sivarasa Anojanga o‘lim jazosi tasdiqladi
Saudiya Arabistonida ishlayotgan Shri-Lanka fuqarosi Sivarasa Anojanga apellyatsiya sudi o‘lim jazosini tasdiqladi. Bu haqda One.uz xabar beradi.
Bu haqida Asian Mirror axborot agentligi xabar berdi. Anojan Ampara viloyati, Kalmunay shahridagi Natpiddimonay hududidan bo‘lgan tamil millatiga mansub fuqaro edi.
Uning ishi ijtimoiy tarmoqdagi diniy mazmundagi izohdan keyin boshlangan. Ma’lumotlarga ko‘ra, Anojan turli diniy jamoalar o‘rtasidagi keskin bahs vaqtida Facebook’ga izoh qoldirgan.
Ushbu izoh Islom dini va Muhammad (Sollallohu alayhi vasallam) payg‘ambarni haqorat qilgan deb baholangan va Saudiya hokimiyatlariga ma’lum qilingan. Mojaro shu yil Katarogama shahriga o‘tkaziladigan an’anaviy hindu ziyorati bilan bog‘liq voqealardan keyin avj oldi.
Ziyoratchilar bilan yuzlab kilometr yo‘l bosgan Subramaniam deb nomlangan daydi it ijtimoiy tarmoqlarda mashhur bo‘lgan. Kalmunayda bir musulmon yigitning itni tepgani aks etgan video tarqalgach, jamoatchilik orasida norozilik paydo bo‘lgan.
Shundan keyin turli diniy jamoalar o‘rtasida ijtimoiy tarmoqlarda keskin bahslar boshlangan. Sud jarayoni va apellyatsiya Anojan 2026 yil iyul oyida Al-Ahsa jinoyat sudi tomonidan besh yillik qamoq jazosiga hukm qilingan va unga 3 million Saudiya riyoli miqdorida jarima solingan.
Keyin uning himoyachilari sud qaroridan apellyatsiya bergan. Apellyatsiya 25 avgust kuni tegishli sudga topshirilgan.
Biroq 17 sentyabr kuni ko‘rilgan apellyatsiya natijasida jazo yengillashtirilmagan, aksincha, o‘lim jazosigacha og‘irlashtirilgani xabar qilindi. Anojanning advokati bu qaror haqida Shri-Lankaning Ar-Riyoddagi elchixonasiga og‘zaki ma’lumot bergan.
Elchixona sudning rasmiy yozma qarorini kutayotgani aytilgan. Diplomatik harakatlar Shri-Lanka Tashqi ishlar vazirligi ishni Ar-Riyoddagi elchixona orqali kuzatib borayotganini va Saudiya hukumati bilan diplomatik muloqot davom etayotganini bildirdi.
Anojanning oilasi ham Shri-Lanka hukumatidan uning hayotini saqlab qolish uchun zudlik bilan chora ko‘rishni so‘ragan. Manbaga ko‘ra, oila sud jarayoni va advokatlik yordami bilan bog‘liq ayrim masalalar yuzasidan ham savollar bildirgan.
Anojanning ishi bo‘yicha huquqiy va diplomatik jarayonlar davom etmoqda.
