Tojikiston sehr-jadu va firibgarlikka qarshi kurash e'lon qildi
Tojikiston Ichki ishlar vazirligi aholi orasida tarqalgan xurofot, sehr-jodu va firibgarlikka qarshi keng miqyosli kurash e'lon qildi. Bu haqda One.uz xabar beradi.
Vazirlik rasmiy ma'lumotiga ko'ra, bunday noqonuniy faoliyat bilan shug'ullanuvchilar va ularga murojaat qiluvchi fuqarolar yagona maxsus ma'lumotlar bazasiga, ya'ni "qora ro'yxat"ga kiritiladi. Bu choralar huquq buzishlarni oldini olish va jamiyatni zararlardan himoya qilish maqsadida ko'rilmoqda.
Maxsus ro'yxatga kimlar kiritiladi Nazorat ostiga olinadigan shaxslar doirasi juda keng. Birinchi navbatda sehr-jodu, fol ochish va xalqni aldash orqali moddiy manfaat qidiruvchi folbin va sehrgarlar ro'yxatga tushadi.
Ikkinchisida, o'zini soxta diniy ulamo yoki "mulla" sifatida ko'rsatib, noqonuniy diniy xizmat ko'rsatuvchi ayrim shaxslar bor. Uchunchisida, fohishalik bilan shug'ullanuvchilar, ularning mijozlari va giyohvand moddalarni iste'mol qiluvchilar kabi axloqsizlik va giyohvandlikka aloqador shaxslar kuzatiladi.
Eng muhim nuqta shundaki, bu faoliyatlardan xizmat olgan oddiy fuqarolar ham tekshiruv ostida ro'yxatga olinadi. Doimiy nazorat va oqibatlari Ro'yxatga olingan barcha shaxslar huquq-tartibot organlarining doimiy nazoratida bo'ladi.
Tegishli davlat va huquqni muhofaza qiluvchi idoralar rasmiy so'rov yuborgan taqdirda, ushbu shaxslarning ma'lumotlari bazadan to'g'ridan-to'g'ri taqdim etiladi. Vazirlik ogohlantirib o'tkazdi ki, bu holat shaxslarning kelajakdagi ish faoliyati va ijtimoiy maqomiga sezilarli manfiy ta'sir ko'rsatishi mumkin.
Fuqarolarga murojaat Tojikiston IIV barcha fuqarolarni hushyor bo'lishga va bunday toifadagi kimsalardan uzoq yurishga chaqirdi. Vazirlik rasmiy bayonotida quyidagicha aytilgan: "Farzandlaringiz oldida nomingizga dog' tushirmang." Fuqarolar ogohlantirildi ki, bunday shaxslarga murojaat qilish o'zlari bilmagan holda maxsus ro'yxatga tushib qolishlari va kelajakda oilaviy, ijtimoiy salbiy natijalarga uchrashlari xavfini beradi.
