Gaagadagi arbitraj sudi Qozogiston 12 milliardlik davoni rad etdi
Gaagadagi Xalqaro arbitraj sudi Qozog‘iston hukumatining G‘arb neft korporatsiyalariga nisbatan 12 milliard dollarlik da’vo arizasini haqiqiy emas deb topdi va talabni rad etdi. Bu haqda One.uz xabar beradi.
Bu haqda Bloomberg agentligi o‘z manbalariga tayanib xabar berdi. Mazkur sud qarori mamlakatning eng yirik konlaridan biri hisoblangan Qashag‘an neft loyihasi bo‘yicha ko‘p milliardli moliyaviy bahslarga bevosita taalluqlidir.
Muddat omili asosida rad etish Agentlik manbalarining ma’lumotlariga ko‘ra, Astana tomonidan kiritilgan moliyaviy e’tirozlarning asosiy qismi sudda kechikkan deb topildi. Qozog‘iston 2011–2015 yillar oralig‘idagi neft qazib olish davri bo‘yicha xarajatlarni qaytarishni haddan tashqari kech talab qilgan.
Aynan da’vo muddatining eskirgani sababli, arbitraj sudi umumiy qariyb 20 milliard dollarlik da’voning 12 milliard dollarlik qismini to‘liq bekor qildi. Kurash hali tugamadi Moliyaviy nizo ushbu qaror bilan butunlay yakunlanmagan.
Qozog‘istonning qolgan 8 milliard dollarlik e’tirozlari va talablari hamon kuchida qolmoqda hamda sud jarayoni davom etmoqda. Hozircha tomonlar yoki Qozog‘iston rasmiy idoralari mazkur insob bo‘yicha to‘liq rasmiy bayonot bermagan.
Qashag‘an loyihasi atrofidagi mojaro Qozog‘iston ikkinchi yirik neft zaxirasi bo‘lmish Qashag‘an konjoyi bo‘yicha qariyb 20 milliard dollarlik bahsli xarajatlarni qoplashni talab qilmoqda. Konni «QazMunayGaz» hamda dunyo gigantlari — Eni, ExxonMobil, Royal Dutch Shell, Total S.A., CNPC va Inpex ishtirokidagi NCOC konsorsiumi boshqaradi.
Neft konjoyi belgilangan rejadan bir necha yil kech ishga tushgan va loyiha budjeti kutilganidan keskin oshib ketgan. Astana avvalroq yo‘qotilgan daromadlar, ekologik zararlar hamda korrupsiya aralashgan bitimlar sabab xalqaro investorlardan umumiy hisobda 150 milliard dollargacha tovon puli talab qilish niyatida ekanini bildirgan edi.
