Xitoylik neyroxirurg Moskva orqa miya transplantatsiyasini amalga oshirdi
Xitoylik neyroxirurg Jen Syaopin Moskvada bo‘lib o‘tgan 12 soatlik orqa miya operatsiyasida ishtirok etgan. Bu haqda One.uz xabar beradi.
«South China Morning Post» ma’lumotiga ko‘ra, u Sklifosovskiy institutida uzilgan miyaning qismi o‘rniga donordan olingan nerv to‘qimasi bo‘lagi joylashtirilgan. Jen Syaopin buni dunyodagi birinchi orqa miya transplantatsiyasi deb atasa-da, Rossiya rasmiylari operatsiya o‘tkazilganini tasdiqlagan.
Biroq uning uzoq muddatli natijalari haqida hali batafsil ma’lumot yo‘q. Tarixiy kontekst Jen Syaopin 2010-yillarda italiyalik jarroh Serdjio Kanavero bilan inson boshini boshqa tanaga ko‘chirish loyihasini taklif etgani bilan tanilgan.
Hozirgacha shunday operatsiya insonda muvaffaqiyatli amalga oshirilgani haqida ishonchli tasdiq yo‘q. Ushbu g‘oya tibbiyot hamjamiyatida jiddiy axloqiy va ilmiy e’tirozlarga sabab bo‘lgan.
Rossiyada joriy tadqiqotlar Olmning faoliyti Rossiyada uzoq umr ko‘rish va qarishni sekinlashtirish tadqiqotlari kuchaygan paytga to‘g‘ri keldi. «The Wall Street Journal» ma’lumotiga ko‘ra, bu yo‘nalishdagi davlat dasturi Vladimr Putinning qizi Mariya Voronsova va Kurchatov instituti rahbari Mixail Kovalchuk bilan bog‘liq.
Dastur doirasida gen terapiyasi, to‘qimalarni bioprinter yordamida yaratish va hayvonlarda inson uchun mos a’zolar yetishtirish kabi yo‘nalishlar o‘rganilmoqda. Ochiq budjet ma’lumotlariga ko‘ra, Rossiya hukumati 2027–2029 yillarda «Sog‘liqni saqlashning yangi texnologiyalari» milliy loyihasi uchun jami 17,954 milliard rubl ajratishni rejalashtirgan.
Biroq bu mablag‘ni faqat rahbariyat umrini uzaytirishga sarflanadigan pul sifatida talqin qilish to‘g‘ri emas. Loyiha tibbiyot va uzoq umr ko‘rish texnologiyalariga oid kengroq ilmiy tadqiqotlarni qamrab oladi.
