Tyumenda ayol lotereyada 21 million yutdi

Tyumen viloyatida yashovchi rossiyalik ayol lotereya o‘yinida kutilmaganda 21 million rubl yutib oldi. Bu haqida Zamin.uz xabar berdi.

Ayolning so‘zlariga ko‘ra, u mutlaqo tasodifan ikki dona lotereya chiptasi sotib olgan va yutish haqida umid qilmagan. G‘alaba haqida xabar kelgan kuni u ko‘cha chetida tashlab ketilgan mushukchalarga to‘la karton qutisini ko‘rib qoladi.

Shulardan faqat bittasini ushlab, o‘z uyiga olib ketadi. Mushukchaning rangi qizg‘ish bo‘lib, rus xalq e’tiqodida bu omad va baraka ramzi sifatida qabul qilinadi.

Ayol yangi mehmoni hayotiga omad olib kirganiga ishonadi va mushukchaga “Fart” deb ism qo‘yadi. Lotereya tashkilotchilari ham qizg‘ish rangdagi yangi jonzot uning xonadoniga omad keltirganini ta’kidlaydi.

Ayol qo‘lga kiritilgan katta summani qanday sarflash borasida hali aniq qaror qilmagan, ammo ehtimoliy variant sifatida ehson va xayriya ishlarini ko‘rsatgan. Bu voqea Rossiyada yuz bergan ilk ajablanarli omad emas.

Yaqinda Chelyabinsk shahrida bir erkak ayol tushida ko‘rgan qizg‘ish o‘rgimchak sabab 100 million rubl yutib olgan edi.