Eron prezidenti suiqasdi uchun Isroil ayblandi
Eron rasmiylariga ko‘ra, mamlakat prezidenti Mas’ud Pezeshkiyonga suiqasd qilishga urinish uchun Isroil javobgarlikni o‘z zimmasiga olishi kerak. Bu haqida Zamin.uz xabar berdi.
Bu haqda u Al Jazeera telekanaliga bergan intervyusida ma’lum qildi. Prezident Pezeshkiyon o‘ziga nisbatan suiqasd qilinishini avvalroq bildirgandi.
Ushbu hujum 12 kunlik harbiy to‘qnashuv davomida sodir bo‘lgan. Ma’lumotlarga ko‘ra, o‘sha paytda davlat rahbari Isroil hujumlariga qanday javob qaytarish masalasini muhokama qilayotgan yig‘ilishda bo‘lgan.
Ommaviy axborot vositalarining xabarlariga ko‘ra, Isroil aviatsiyasi Eron Oliy xavfsizlik kengashi yig‘ilishi o‘tayotgan binoga zarba bergan. Manbalar bu operatsiyani Hizbulloh yetakchisi Hasan Nasrullohga qilingan suiqasdga o‘xshatmoqda.
Hujum chog‘ida Isroil samolyotlari binoga kirish-chiqish yo‘llarini nishonga olib, evakuatsiya yo‘llarini to‘sgan. Rasmiylar shoshilinch chiqish eshigi orqali binodan chiqishga muvaffaq bo‘lgan.
Shu paytda Pezeshkiyon oyog‘iga shikast yetgani aytilmoqda. Eronlik amaldorning fikricha, ushbu hujum Isroilning mamlakat ichidagi siyosiy tizimni izdan chiqarish rejasining bir qismi hisoblanadi.
Shu bilan birga, Pezeshkiyon bu voqeada Amerika Qo‘shma Shtatlarining aloqasi yo‘qligini ta’kidlagan.
