Ikki qora tuynuk to‘qnashuvi gravitatsiyani aniqladi
Fazoning cheksiz chuqurliklarida, Somon yo‘lidan 10 milliard yorug‘lik yili uzoqlikda, hayratlanarli voqea yuz berdi. Bu haqida Zamin.uz xabar berdi.
Olimlar ikki ulkan qora tuynukning to‘qnashuvi natijasida paydo bo‘lgan gravitatsion to‘lqinlarni aniqlashdi. Bu haqda “The Guardian” nashri ma’lumot berdi.
AQShning Luiziana va Vashington shtatlarida joylashgan LIGO detektorlari ushbu to‘lqinlarni qayd etdi. Gap Quyoshdan kamida yuz barobar og‘irroq qora tuynuklar haqida bormoqda.
Ular uzoq vaqt davomida bir-birining atrofida aylangan va nihoyat ulkan energiya bilan birlashgan. Ushbu jarayonda fazo-vaqtda paydo bo‘lgan to‘lqinlar Yerga yetib kelgan va zamonaviy detektorlar yordamida qayd etilgan.
Olimlar bu hodisani oddiy yulduzlarning hayotiy jarayonlariga qiyoslash qiyinligini ta’kidlamoqda. Katta ehtimol bilan, ushbu qora tuynuklar avvalgi shunga o‘xshash birlashishlar natijasida yuzaga kelgan.
Gravitatsion to‘lqinlarning qayd etilishi nafaqat astrofiziklar uchun, balki insonning olam tuzilishi haqidagi tasavvurlarini kengaytirishda muhim ahamiyatga ega. Fazoning chuqur qirralaridan kelayotgan ushbu to‘lqinlar ortida hali ochilmagan ko‘plab sirlar yashiringan bo‘lishi mumkin.
Bu hodisa koinot haqidagi bilimlarni yanada chuqurlashtirishga yordam beradi va yangi ilmiy izlanishlarga turtki bo‘ladi. Siz qanday fikrdasiz, fazoning ushbu sirli qirralarida yana qanday kashfiyotlar kutmoqda?
