Eron va Isroil o‘rtasidagi qurolli to‘qnashuvlar tugagach, Isroil nazoratidagi hududlarda moddiy zararlarni qoplash bo‘yicha murojaatlar soni sezilarli darajada oshdi. Bu haqida Zamin.uz xabar berdi.
Bu haqda mamlakatning iqtisodiy yo‘nalishdagi Calcalist nashri xabar berdi. Nashr ma’lumotlariga ko‘ra, 12 kun davom etgan qurolli mojarolar 24 iyun kuni rasmiy ravishda yakunlangan.
Shundan so‘ng, fuqarolar, tadbirkorlar va mudofaa sohasi xodimlari tomonidan yetkazilgan moddiy zararlarni qoplash maqsadida 50 mingdan ortiq ariza taqdim etilgan. Mojaroning boshlanishi Isroil tomonidan aholi punktlari va ehtimoliy yadroviy obyektlarga qilingan hujumlarga Eron qurolli kuchlari tomonidan dronlar va ballistik raketalar orqali javob berishi bilan bog‘liq edi.
Eron rasmiylari o‘z harakatlarini BMT Nizomining 51-moddasiga tayanib, mamlakat suvereniteti hamda hududiy yaxlitligini himoya qilish deb ta’riflagan. Hozirda tovon puli bo‘yicha arizalar soni kun sayin ko‘paymoqda.
Davlat tomonidan kompensatsiyalarni hisoblash va tasdiqlash ishlari davom etmoqda. Bu jarayon yakunlangach, fuqarolarga yetkazilgan zararlar uchun tovon puli berilishi rejalashtirilgan.
