Xitoyda 15177777777 raqami rekord narxda sotildi
Xitoyda juda kam uchraydigan va ramziy ahamiyatga ega bo‘lgan mobil telefon raqami — 15177777777 — rekord narxda sotildi. Bu haqida Zamin.uz xabar berdi.
Ushbu raqam Ali Auction onlayn savdo platformasida 3,2 million yuanga, ya’ni taxminan 440 ming AQSH dollariga xarid qilindi. Bu haqda Kursiv.media xabar berdi.
Mazkur raqam mamlakatdagi eng yirik aloqa operatorlaridan biri bo‘lgan China Mobile tomonidan taqdim etilgan. Raqam 8 ta ketma-ket 7 raqamidan tashkil topgani sababli Xitoyda “omadli raqamlar” ro‘yxatida 12-turkumga kiritilgan.
An’anaviy xitoy madaniyatida 7 raqami omad va muvaffaqiyat ramzi hisoblanadi. Qiziq jihati shundaki, raqamni sotib olgan shaxs uni mulk sifatida emas, balki 20 yillik foydalanish huquqi sifatida qabul qiladi.
Shartnomaga ko‘ra, har oy 1500 yuan, ya’ni taxminan 206 dollar miqdorida to‘lov amalga oshiriladi. Bundan tashqari, raqamni boshqa shaxsga rasmiy ravishda o‘tkazish faqat 5 yil o‘tganidan keyin mumkin bo‘ladi.
Keyingi rasmiylashtirish jarayoni uchun ham kamida 5 yil kutish talab etiladi. Haridorning shaxsiyati oshkor qilinmagan.
Mutaxassislarning fikricha, Xitoyda bunday noyob raqamlar nufuz, ijtimoiy maqom va boylik belgisi sifatida yuqori baholanadi. Bu raqamga ega bo‘lish ko‘pincha obro‘li shaxslar yoki yirik kompaniyalar uchun investitsiya sifatida qaraladi.
