Oltin narxi pasaydi: yangi quyma narxlari e’lon qilindi

O‘zbekiston Markaziy Banki 20-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.

Ma’lumotlarga ko‘ra, 1 gramm oltinning narxi avvalgi ko‘rsatkichga nisbatan 5 800 so‘mga pasaygan. Quymalarning sotuv narxlari quyidagicha belgilangan: - 5 gramm — 10 026 000 so‘m, - 10 gramm — 20 053 000 so‘m, - 20 gramm — 40 105 000 so‘m, - 50 gramm — 100 263 000 so‘m, - 100 gramm — 200 525 000 so‘m.

O‘lchovli oltin quymalarni O‘zbekiston hududidagi barcha banklarning ofislaridan xarid qilish mumkin. Biroq bankka borishdan oldin, quymalar mavjudligini aniqlashtirib olish tavsiya etiladi.

Shuni ham unutmaslik kerakki, oltin narxining tez o‘sishi sababli sotuv hajmi oshib bormoqda. Shu bois ayrim bank ofislarida oltin quymalarning tugab qolish ehtimoli mavjud.

O‘z vaqtida ma’lumot olish va rejalashtirish muhimdir.