Oltin narxi pasaydi: yangi quyma narxlari e’lon qilindi
O‘zbekiston Markaziy Banki 18-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltinning narxi avvalgi qiymatga nisbatan 25 000 so‘mga pasaygan. Quyida o‘lchovli oltin quymalarning narxlari keltirilgan: - 5 gramm — 9 936 000 so‘m, - 10 gramm — 19 872 000 so‘m, - 20 gramm — 39 744 000 so‘m, - 50 gramm — 99 361 000 so‘m, - 100 gramm — 198 722 000 so‘m.
Mazkur oltin quymalarni O‘zbekiston hududidagi barcha banklarning ofislaridan xarid qilish mumkin. Ammo bankka borishdan oldin oltin quymalar mavjudligini aniqlashtirib olish tavsiya etiladi.
Chunki oltin narxining tez o‘sishi sababli sotuv hajmi ham oshgan. Shu bois ayrim bank ofislarida oltin quymalarning tugab qolish ehtimoli mavjud.
Oltin quymalarga bo‘lgan talabning oshishi ushbu qimmatbaho metallning investitsiya vositasi sifatida ahamiyatini yana bir bor tasdiqlaydi.
