Oltin narxi arzonladi: yangi quyma narxlari e’lon qilindi
O‘zbekiston Markaziy Banki 16-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltinning narxi avvalgi ko‘rsatkichga nisbatan 32 000 so‘mga pasaygan. Quyida o‘lchovli oltin quymalarning narxlari keltirilgan: - 5 gramm — 10 100 000 so‘m, - 10 gramm — 20 201 000 so‘m, - 20 gramm — 40 401 000 so‘m, - 50 gramm — 101 003 000 so‘m, - 100 gramm — 202 006 000 so‘m.
O‘lchovli oltin quymalarni O‘zbekiston hududidagi barcha banklarning ofislaridan sotib olish mumkin. Biroq, bankka borishdan oldin oltin quymalarning mavjudligini aniqlashtirib olish tavsiya etiladi.
Chunki oltin narxining tez o‘sishi sababli sotuv hajmi ham oshib bormoqda. Natijada, ba’zi bank ofislarida oltin quymalarning tugab qolish ehtimoli mavjud.
Shu sababli, xarid qilishni rejalashtirayotgan fuqarolar bank bilan oldindan bog‘lanib, zarur ma’lumotlarni aniqlashtirib olishlari maqsadga muvofiqdir.
