Oltin narxi arzonlashdi: yangi quyma narxlari e’lon qilindi
O‘zbekiston Markaziy Banki 13-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltin narxi oldingi qiymatga nisbatan 14 800 so‘mga arzonlashgan. Quyida o‘lchovli oltin quymalarning narxlari keltirilgan: - 5 gramm — 10 260 000 so‘m, - 10 gramm — 20 520 000 so‘m, - 20 gramm — 41 041 000 so‘m, - 50 gramm — 102 602 000 so‘m, - 100 gramm — 205 204 000 so‘m.
Mazkur oltin quymalarni O‘zbekistondagi barcha banklarning ofislaridan xarid qilish mumkin. Biroq bankka borishdan oldin oltin quymalar mavjudligini aniqlashtirib olish tavsiya etiladi.
Chunki oltin narxining tez o‘sishi sababli sotuv hajmi ham oshib bormoqda. Bu esa ayrim bank ofislarida oltin quymalarning tugab qolish ehtimolini yuzaga keltiradi.
Shu sababli, xaridni rejalashtirishda ehtiyotkorlik bilan yondashish muhimdir.
